Një fanatik i Apex Legends vjedh një ekran aeroporti për të luajtur

Ai luajti derisa sigurimi i kërkoi të ndalonte

Ndërkohë që shumica ankohen për hapësirën në avion dhe çmimet e shtrenjta, një prej gjërave më acaruese është pritja e gjatë përpara fluturiit. Nëse keni një Switch ose një laptop gaming, nuk është problem. Megjithatë, një lojtar i Apex Legends dukej se nuk mund të duronte pa luajtur një lojë përpara fluturimit.

Një udhëtar i cili ndodhej në Portland International Airport në orët e para të mëngjesit, arriti të lidhte PS4 e tij me një prej qindra ekraneve të aeroportit për të luajtur përpara fluturimit. Ai e ktheu hartën e terminalit në World’s Edge dhe më pas filloi të luante i qetë, derisa sigurimi i aeroportit i kërkoi të ndalonte.

Ata i kërkuan me mirësjellje lojtarit të hiqte konsolën nga monitori që ajo të tregonte sërish hartën e terminalit.

Lojtari më pas kërkoi që të mbalonte lojën, por ata nuk e lejuan, duke e detyruar lojtarin të mbyllte lojën dhe të hiqte konsolën. Megjithatë, përpjekja e tij gjithsesi e bën atë një hero në zemrat e çdo gamer-i që udhëton në botë.