Fallout 76 do të ketë një battle royale që mund ta provoni falas nesër

Mode-i i ri battle royale quhet Nuclear Winter

Battle royale do të vijë në Fallout 76 në një mode të ri që u zbulua në konferencën e Bethesdës mbrëmë në E3. Mode-i do të quhet Nuclear Winter. 52 lojtarë do të vihen përballë njëri-tjetrit, me qëllim për tu bërë Overseer i Vault 51.

Nuk jemi fort të sigurt pse janë 52 lojtarë, por do të hamendësojmë se 51 prej tyre do të vriten derisa i mbeturi të bëhet Overseer. Ky mode i ri do të përmbajë çdo gjë që e ka bërë Fallout të quhet Fallout deri tani, përfshirë Scorch Beasts dhe perk cards. Mode-i gjithashtu do të mbështesë skuadrat me katër lojtarë dhe ndërtimin e kampeve. Në fakt do të mund të importoni kampe nga mode-i standart i Fallout 76.

Nuclear Winter do të jetë falas për të gjithë lojtarët e Fallout 76. Nëse nuk luani Fallout 76, por doni ta provoni, një periudhë një javore, që do ta përfshijë këtë mode, do të jetë falas, duke filluar që nesër.