Zhvilluesi Mediatonic ka konfirmuar se Fall Guys Season 3 do të ketë tematikën e dimrit. Kjo erdhi pas një tentative të gjerë të komunitetit për ta zbuluar këtë së bashku.
Në vend që thjesht të postonte imazhin promocional për sezonin e ardhshëm të Fall Guys: Ultimate Knockout, Mediationic vendosi ta ndante imazhin në 300 pjesë individuale dhe t’i kërkonte komunitetit t’i bashkonte ato si një pazëll.
U deshën mbi shtatë orë, por komuniteti i lojës e zgjidhi Jig Sawus, duke treguar si përfundim imazhin e disa Fall Guy beans të veshur në kostumet e tyre dimërore. Pas kësaj Mediatonic njoftoi se sezoni përfundimtar do të quhej Winter Knockout.
Në këtë teaser u zbulua edhe një shtesë e re për lojën, në formën e një krijese të vogël që po i shoqëron Fall Guys. Krijesa gjithashtu duket se ka veshur skinin e tij, duke ngritur diskutimet mos është ndonjë tip kafshe shtëpiake ose jo. Momentalisht ajo po quhet ‘Meep Meep’.