Fall Guys Season 2 fillon zyrtarisht në 8 tetor

Më shumë kaos dhe më shumë qef.

Sot Mediatonic zbuloi sezonin e dytë të shumëpritur të Fall Guys, që do të fillojë zyrtarisht të enjten në 8 tetor.

I njoftuar fillimisht në fund të gushtit në gamescom, Fall Guys Season 2 do të sjellë një tematikë mesjetare, duke shtuar skins dhe cosmetics të reja, si edhe veçori të tjera të gameplay-it.

Sezoni i dytë do të shtojë një season pass të ri, që do të sjellë skine si warlocks, magjistarë, shtriga, dragonj dhe kalorës.

Nivele të reja dhe të miksuara do të vijnë në lojë gjithashtu, edhe këto po me tematikë mesjetare. Mediatonic ka sugjeruar drejt gjërave të reja që do të vijnë në lojë, si aftësia për të shtyrë dhe tërhequr pengesa.

Gjithashtu do të ketë nicknames, që do të hyjë goxha në punë për të diferencuar lojtarët në PC, teksa gjithashtu shton një farë shijeje personale mbi lojën.

Sezoni i ri, i përshkruar nga Mediatonic si një “kaos absolut”, do të jetë i disponueshëm në PC dhe PS4 në 8 tetor.