Fall Guys Season 2 po vjen, dhe nuk kam dyshim që lojtarët e dedikuar janë gati për të, nëse vendosni shumë orë në lojën Battle Royale, ju me siguri keni punuar gjatë Season 1 dhe keni bërë unlock të gjitha kostumet, emotes, dhe shpërblime të tjera.
Në Gamescom Opening Night Live, ne kemi një pamje të asaj që na pret për Fall Guys Season 2; loja e Mediatonic është duke shkuar në mesjetë.
U shfaqën disa minigames të reja, disa kishin aspekte të njohura si hedhja nëpër unaza dhe garimi deri në fund, por ka disa elementë krejtësisht të rinj si ramps dhe blloqet që Fall Guys do të duhet të shtyjnë dhe vendosin në vend, në mënyrë që të mund të përdoren për ngjitje.
Ka mjaft kostume të reja që vijnë në sezonin e dytë, gjithashtu me tematikë mesjetare: kemi parë magjistarë, luftëtarë dhe dragonjtë që vrapojnë rreth niveleve të reja.
Fall Guys Season 1 përfundon në fillim të Tetorit, kështu që ju keni ende shumë kohë për të fituar të gjitha shpërblimet që ofron para se të fillojë sezoni i dytë i Fall Guys.