Fall Guys ka bërë një reklamë live-action

Ky pra, quhet marketing i mirë.

Fall Guys ka qenë një sukses masiv për Mediatonic, me mbi dhjetë milionë kopje të shitura vetëm në PC. Për këtë arsye nuk habitemi fort që ekipi do të falenderojë komunitetin e tij përpara se të mbyllet vitit. Në vend që thjesht të njoftojë diçka falas për Krishtlindje, ekipi i Fall Guys ka sjellë një reklamë dy minuta live-action për të promovuar kostumin falas të Santa për të gjithë lojtarët.

Reklama në vetëvete është mëse interesante, me një Fall Guy të përmasave reale dhe sy të animuar, që mezi po pret për Krishtlindjet. Është mjaft e mirë punuar si video dhe po, ka një fund të lumtur për personazhin tonë.

Kostumi falas i Santa është gjithashtu shumë i lezetshëm, ndaj mos e humbni rastin të futeni në Fall Guys këto ditë për ta marrë. Fundja ata u lodhën dhe bënë tërë këtë reklamë për ju.