Në internet kanë filluar të qarkullojnë video të Fall Guys në mobile, por a janë ato të vërteta?
Në internet kanë filluar të qarkullojnë video të Fall Guys në mobile, por a janë ato të vërteta?
Fall Guys Ultimate Knockout u lançua në 4 gusht për PC dhe PS4. Loja vendos 60 lojtarë përballë njëri-tjetrit, të cilët duhet të garojnë në pista të ndryshme, derisa i fundit që mbetet të shpallet fitues. Loja ka shitur deri më tani mbi 2 milionë kopje dhe ka arritur mbi 23 milionë orë shikueshmëri në Twitch. Zhvilluesit janë të kënaqur nga kjo gjë dhe kanë sjellë menjëherë update-in e parë të lojës.
Kjo ka bërë që shumë mashtrime të dalin në internet, me një llogari në YouTube të quajtur Fall Guys Mobile që i bën lojtarët të besojnë se loja mund të luhet në smartphone. Ata gjithashtu kanë vendosur në description-in e videos link-un “fallguysmobile.com“, i cili duket mjaft i dyshimtë. Fatmirësisht edhe pse në këtë rast webiste të çon tek webiste zyrtar i Fall Guys, ju duhet të keni kujdes me links që klikoni.
Fall Guys është lançuar vetëm në PC dhe PS4 siç thamë më lart. Edhe pse zhvilluesit kanë thënë se duan ta sjellin lojën në platforma të tjera, momentalisht loja nuk është lançuar zyrtarisht për Xbox One, Switch ose Mobile, prandaj kini kujdes nga mashtrimet.