Përgjatë ditëve të fundit, Fall Guys është bërë një ndër sukseset më të mëdha për industrinë e videolojërave. Si e tillë, loja multiplayer battle royale i ka fansat duke menduar për crossovers të ndryshëm që ajo mund të bëjë. Një nga këta ishte edhe artisti Adrotito në Twitter.
Ai postoi një imazh të personazheve të Fall Guys të veshur në skine të përafërta me Llama Loot inata dhe Cuddle Team Leader nga Fortnite. Imazhi tërhoqi vëmendjen e adresës zyrtare të Twitter të Fall Guys, që e postoi këtë teksa pyeti CEO e Epic Games, Tim Sweeney, për mendimet e tij mbi një bashkëpunim të mundshëm me Fortnite.
Ka shumë mundësi që asgjë konkrete të mos dalë nga bashkëbisedimi i sipërpërmendur, por Fall Guys ka dominuar median sociale kohët e fundit që kur u lançua dhe publiku duket ta ketë pritur mjaft mirë lojën. Nëse ky sukses vazhdon me të njejtat ritme, duket se bashkëpunimet dhe eventet në të ardhmen e afërt, janë të pashmangshme për të. Duke qenë se loja ka vetëm pak ditë që ka dalë, kini parasysh që do ju duhet të prisni pak.
Epic Games akoma nuk ka kthyer një përgjigje publike për tweet-in më sipër, por duke njohur Fortnite dhe shpirtin e saj masiv të bashkëpunimeve, do të thonim që çdo gjë është e mundur.
Fall Guys është momentalisht e disponueshme në PS4 dhe PC përmes Steam.