Falë WoW Classic, abonimet në World of Warcraft janë rritur me 223%

WoW Classic ka ringjallur Warcraft

Lançimi i World of Warcraft Classic muajin e kaluar duket se ka qënë mjaft i mirë, me shumë lojtarë që i janë rikthyer Azeroth-it origjinal me tufa, duke krijuar dhe rradhë të gjata pritjeje. Sipas Superdata, shumica e lojtarëve të kthyer nuk kishin një abonim aktiv, gjë e cila çoi drejt një rritjeje shumë të shpejtë në fitimet e marra nga abonimet ndërkohë që lojtarët riktheheshin në lojë.

Raporti më i fundit i Superdata sugjeron se fitimet nga abonimet të lojës janë rritur me 223% në gusht në krahasim me korrikun. Kjo ishte e mjaftueshme për ta çuar lojën në vendin e tretë në klasifikimin e lojërave në PC, pas Dungeon Fighter Online dhe League of Legends. World of Warcraft ishte loja e shtatë me më shumë fitime në korrik.

Pavarësisht suksesit të World of Warcraft Classic, loja nuk arriti të kalonte kulmin e saj. Superdata raporton se fitimet totale në gusht ishin ende më të ulëta se ato që Blizzard fitoi të njëjtën periudhë muajin e kaluar, kur lançoi expansion-in më të fundit Battle for Azeroth. Duke patur parasysh skepticizmin rreth World of Warcraft Classic përpara lançimit, Blizzard duhet të jetë shumë i kënaqur me këto rezultate.

Suksesi i World of Warcraft Classic është ndjerë kudo. Për shëmbull, kërkimet e lidhura me Warcraft në Pornhub janë trefishuar pas lançimit të lojës, me shumë mundësi nga lojtarët që kishin kohë të lirë në duar ndërkohë që prisnin në rradhët e gjata të lojës.

Tashmë që komuniteti i ri i World of Warcraft Classic duket mjaft i kënaqur nga rikthimi që Blizzard i ka bërë lojës dhe duket se do të qëndrojë për ta luajtur atë, duket se problemet e komunitetit me Battle for Azeroth janë harruar. Tashmë, pritet të shihet nëse expansion-i i ardhshëm i lojës do të ketë një pritje të ngrohtë.