Gameforge njoftoi se loja Guardians of Ember, e cila origjinalisht shitej në Steam, është tashmë falas dhe e disponueshme për të gjithë përmes faqes zyrtare të saj.
E zhvilluar nga studioja Runewalker Entertainment, loja u përfshi në disa probleme nga publikuesi i mëparëshëm i saj, Insel Games. Mendohej se ky i fundit ofronte bonuse brenda lojës në këmbim të kritikave pozitive në Steam. Kjo rezultoi në përjashtimin nga platforma e Valve të të gjithë lojërave nga ky prodhues, duke përfshirë këtu edhe “Guardians of Ember”.
Loja është një kombinim unik i Hack’n’Slash dhe MMORPG tradicionale, e fokusuar në luftimin me aksion me PVE dhe PVP. Ndiqni trailerin e saj mëposhtë.