Një nga avantazhet e të futurit të një ylli të madh të Hollywood-it në një videolojë është se kur të vijë puna për adaptime të ardhshme filmash, probabilitetet janë më të mira. Duket se ky është rasti me Cyberpunk 2077, pasi përfshirja e Keanu Reeves në të, mund të bëjë të mundur një paraqitje kinematike të lojës.
Në një intervistë me VGC, Mike Pondsmith, krijuesi i lojërave origjinale të Cyberpunk, tha se sado që nuk mund ta thotë me siguri nëse të drejtat për filmin do të aprovohen ose jo, fakti që Keanu është në të, i bën gjërat shumë më të thjeshta.
Pondsmith u shpreh se nëse një film do të bëhej për lojën, gjërat do të ishin shumë më ndryshe nga çfarë jemi mësuar të shohim nëpër videolojëra. Pra kini pritshmëri pak më ndryshe përsa i përket këtij filmi hipotetik.
Sigurisht që në këtë pikë asgjë nuk është e konfirmuar, por me Reeves në lojë, hyrja në Hollywood do ta ketë portën e hapur. Kanë mbetur ende disa muaj derisa Cyberpunk 2077 të lançohet, ndaj mos mbani shpresa për ndonjë film në të ardhmen e afërt.