Reagimet do të jenë të disponueshme në faqen kryesore dhe aplikacionin Messenger
Reagimet do të jenë të disponueshme në faqen kryesore dhe aplikacionin Messenger
Facebook po zgjeron reagimet e tij të like me një reagim “care” për t’i ndihmuar njerëzit të tregojnë mbështetje. Facebook thotë se shpreson që reagimi, i cili tregon një fytyrë që përqafon një zemër, i ndihmon njerëzit të ndjehen “pak më të lidhur” me miqtë dhe familjen e tyre gjatë pandemisë.
Reagimi ‘care’ planifikohet të lançohet globalisht në aplikacionin dhe faqen në Facebook diku javën e ardhshme, dhe mund të arrihet së bashku me reagimet e tjera të butonit. Një reagim tjetër ‘care’ do të vijë tek Facebook Messenger: një zemër që rreh, Messenger tashmë ka një reagim të zemrës jo të animuar. Sidoqoftë, përdoruesve do t’u jepet një mundësi për të kaluar tek e reja duke mbajtur shtypur reagimin e paracaktuar të zemrës.
Këto shtesa të reja janë veçori të vogla në krahasim me problmet shumë më të mëdha me të cilat përballet aktualisht Facebook. Dje, gjigandi i teknologjisë njoftoi se do të fillojë të shtojë mesazhe anti-keqinformuese në News Feeds të njerëzve që ndajnë artikuj që përmbajnë informacione të rreme për COVID-19.
Për shkak të pandemisë, Facebook ka parë një rritje të konsiderueshme të përdorimit në të gjithë globin pasi shumë njerëz qëndrojnë brenda dhe praktikojnë distancimin social. Megjithëse përdorimi i Facebook-ut është rritur, kompania përvijoi në fund të marsit se po ndikohet negativisht financiarisht për shkak të rënies së shpenzimeve dixhitale të reklamave.