Si duket përdoruesit e iPhone janë shumë të vështirë për tu gjurmuar.
Si duket përdoruesit e iPhone janë shumë të vështirë për tu gjurmuar.
Një betejë e vazhdueshme ligjore ka nxjerrë një informacion interesant, që nëse rezulton të jetë i vërtetë, mund të sjellë një tjetër goditje për imazhin publik të Facebook.
Në tetor të 2019s, Facebook paditi firmën izraelite NSO, me akuzën se kishin orkestruar një hack në disa përdorues të rëndësishëm të WhatsApp, me kërkesë të disa klientëve anonimë të qeverisë. Kjo përfshinte një sulm të sofistikuar që përdorte servera të rreme të WhatsApp për t’i bërë shënjestrat më të lehta për tu sulmuar.
NSO njihet për liçensimin e të famshmes Pegasus spyware tool për këdo që kërkon të vjedhë informacione nga adresat e Microsoft, Apple, Google dhe Facebook, për të mos përmendur çdo gjë që ndodhet në telefonin tuaj.
Këtu gjërat bëhen interesante. Dokumenta të zbuluara në gjykatë tregojnë se përfaqësuesit e Facebook i janë afruar NSO në 2017 me qëllimin për të përdorur software-in e tyre në përdoruesit e iPhone dhe iPad.
Është interesante, sepse qëllimi i Facebook nuk ishte që ta përdorte si hacking tool, por që të monitoronte në mënyrë efektive përdoruesit e iOS, gjë që është më e vështirë se për përdoruesit e Android. Marrëveshja e propozuar do e bënte Facebook që të paguante një tarifë për çdo përdorues që ka mundur të gjurmojë përmes Pegasus.
Sipas informacioneve të zbuluara, Facebook në atë kohë ishte i shqetësuar se metoda e tij për të mbledhur user data përmes Onavo Protect ishte më pak efektive në paisjet e Apple se ato të Adroid. CEO i NSO, Shalev Hulio refuzoi liçensimin e Pegasus për këtë qëllim, ndaj Facebook vazhdoi të lançonte Onavo pa atë funksionalitet.
Sigurisht, edhe pa Pegasus që ti jepte superfuqi, Onavo u ndërtua si një VPN që siguronte aktivitetin tuaj në internet dhe e bënte të panjohur për askënd, përveç Facebook. Kjo solli në zhvendosjen e tij nga App Store dhe Google Play.