Facebook është bërë gjigandi i fundit i teknologjisë që bëhet pjesë e “valles” së cloud gaming, me njoftimin që Facebook Gaming ka nisur disa lojëra të që bëhen cloud stream në Facebook, të disponueshme përmes browser-it dhe aplikacionit.
Shërbimet rivale të cloud-streaming ofrohen tashmë nga Google Stadia, Amazon Luna i njoftuar së fundmi dhe shërbimi Microsoft i njohur më parë si xCloud (tani pjesë e Game Pass Ultimate), ndër të tjera. Shërbimi i ri i Facebook nuk do të pritet të bëjë shumë bujë si fillim, duke qenë se pritet të jetë thjesht një aspekt tjetër i paemëruar i Facebook Gaming. Kjo nuk është mënyra e vetme që Facebook synon të thyejë traditën e cloud gaming, në fakt.
Jason Rubin, VP of Play i Facebook, shkruan në postimin e njoftimit në blog se ai “do të flasë hapur që nga fillimi” sepse “Njoftimet e Cloud gaming janë të prirura nga pritshmëri të mëdha”. Në një përpjekje për të mësuar nga gabimet e shërbimeve të tjera, të ngjashme, të cilat shpesh janë kritikuar për “premtime të tepërta” në krahasim me aftësitë e tyre gjatë fillimit, Facebook synon ta ngadalësojë atë, me një formacion fillestar që përqendrohet në lojërat mobile në një zgjedhje të kufizuar të zhanreve. Sigurisht, shërbimi është vetëm në beta dhe plani është absolutisht që zgjedhja e lojërave që ofrohen të zgjerohen gjatë muajve të ardhshëm.
Sidoqoftë, tërheqja e madhe për shërbimin e ri të Facebook Gaming kur krahasohet me konkurrentët e tij është se (për të paktën për momentin) të gjitha lojërat e ofruara do të luhen falas. Blerjet brenda aplikacionit mundësohen nga fillimi, por nuk ka kosto të lidhur paraprakisht. Blogu i Rubin sqaron se Facebook nuk e ka harruar që reputacioni i tyre i lojrave është ndërtuar mbi bazën e lojërave të browser-it, prandaj nuk është për t’u habitur që lojërat e fillimit (domethënë Asphalt 9: Legends, Mobile Legends: Adventure, PGA TOUR Golf Shootout, Solitaire: Arthur’s Tale, WWE SuperCard dhe Dirt Bike Unchained) janë të ngjashme me ç’janë mësuar përdoruesit e Facebook.
Shërbimi i ri i Facebook Gaming po hapet në beta në SHBA për momentin, me Kaliforninë, Teksasin dhe disa shtete në Verilindje dhe Mes-Atlantik të përfshira fillimisht. (Një listë e plotë është në dispozicion në postimin e njoftimit.)