Facebook po bën një shtytje shtesë për të bindur Apple që të lejojë përdoruesit e iPhone të zgjedhin vetë aplikacionin e tyre të preferuar të mesazheve, një përpjekje që mund të hapë një mundësi për ta bërë aplikacionin e vet Messenger një nga mjetet standard të mesazheve në iPhone.
Sipas një raporti në The Information, drejtuesit e Facebook kanë rritur ashpër kritikat e tyre ndaj Apple në muajt e fundit. I inkurajuar nga Apple duke bërë ndryshime programesh dhe duke zbutur rregullat e App Store, gjigandi i rrjeteve sociale tani dëshiron që Apple të bëjë të njëjtën gjë për aplikacionet e mesazheve.
“Ne besojmë se njerëzit duhet të jenë në gjendje të zgjedhin aplikacione të ndryshme të mesazheve dhe defaults në telefonin e tyre”, u citua të thoshte Stan Chudnovsky, nënkryetar i Facebook i ngarkuar me aplikacionin Messenger të shtunën.
“Në përgjithësi, gjithçka po lëviz në këtë drejtim gjithsesi.” Facebook i ka kërkuar Apple përgjatë viteve të marrë në konsideratë hapjen e default messages por ata “kurrë nuk ranë dakord”.
Sistemi operativ Android i Google tashmë lejon përdoruesit të zgjedhin aplikacionin e tyre default të mesazheve. Me iOS 14 dhe iPadOS 14, Apple ka prezantuar një mundësi për të ndryshuar aplikacionet default për browsing dhe email. Por mesazhet janë ende të bllokuara në softuerin e integruar të Apple.
“Supozimi kryesor është se mesazhet nxisin shitjet e hardware-it”, tha Chudnovsky. Facebook kohët e fundit pranoi se iOS 14 i ardhshëm i Apple mund të çojë në mbi 50 përqind rënie në biznesin e saj të reklamave të Audience Network.
Pas kësaj, Apple shtyu zbatimin e plotë të praktikave të privatësisë në lëshimin e softuerit iOS 14. Në një gjest miqësor, Apple gjithashtu ka hequr dorë përkohësisht nga tarifa e zakonshme prej 30 përqind e App Store për blerjet brenda aplikacioneve për evente të paguara online nga bizneset e vogla në Facebook.
Gjiganti i rrjeteve sociale tha javën e kaluar se tarifat e eventeve online do të përpunohen përmes Facebook Pay pa Apple që të mbledhë uljen e saj prej 30%. Kjo heqje dorë nga Apple do të zgjasë deri më 31 Dhjetor dhe nuk do të zbatohet për creators të lojërave.
Pavarësisht se Apple e ktheu vendimin e saj, ata tek Facebook u dukën jo shumë të lumtur. “Apple ka rënë dakord të sigurojë një pushim të shkurtër, tre-mujor, pas së cilës bizneset do të duhet, përsëri, t’i paguajnë Apple 30% të taksës së App Store të plotë”, tha një zëdhënës i Facebook për TechCrunch.
Në fillim të këtij muaji, CEO i Facebook Mark Zuckerberg tha se Apple duhet të shqyrtohet me kujdes. Në një intervistë me Axios, Zuckerberg tha se njerëzit duhet të shikojnë në “kontrollin e njëanshëm” që Apple ka mbi “çfarë hyn në telefon, për sa i përket aplikacioneve”.
Apple gjithashtu kishte refuzuar aplikacionin Facebook Gaming në App Store, pasi ishte një kërcënim i drejtpërdrejtë për shërbimin e tyre gaming Apple Arcade. Sipas Shefit të Operacionit të Facebook, Sheryl Sandberg, kompania arriti të lançojë një version iOS të aplikacionit të tyre të lojërave pasi u “detyrua të bënte një koncesion për ta sjellë atë në App Store”.