Ghost Peek duket se është rikthyer
Ghost Peek duket se është rikthyer
Strategjia e Ghost Peek u përdor nga çdo lojtar i mirë i Fortnite pasi ata panë suksesin që Tfue kishte me këtë strategji. Ajo funksiononte duke i lejuar lojtarët të shikonin nga maja e strukturave por pa e treguar veten nga ana e serverit, duke i lejuar ata të gjuanin kundërshtarët ndërkohë që ata nuk kishin mundësi të bënin asgjë.
Edhe pse ky exploit u hoq në 2018, duket se ai është rikthyer sërish në patch-et e fundit, por është më i vështirë për t’u ekzekutuar se më parë.
Ai funksionon me të njëjtën ide si më parë, kur ti ulesh mbrapa ndërtimit tënd, ngrihesh lart për të gjuajtur me shpejtësi dhe më pas ulesh sërish poshtë. Koha për ta bërë këtë gjë është shumë e shkurtër dhe kjo gjë e bën atë më të vështirë.
Me shumë mundësi do t’ju duhet që të ndryshoni disa prej keybinds që ju keni për të arritur ta perfeksiononi siç duhet Ghost Peek. Gjithashtu, duhet thënë se këtë rradhë ai funksionon vetëm mbrapa një piramide në krah të djathtë.
Ky exploit gjithashtu mund të përdoret me controller, por kjo është edhe më e vështirë, prandaj do t’ju duhet të trajnoheni pak për t’ia marrë dorën.
Që prej postimit të këtij exploit-i në Reddit në 19 janar dhe publikimit në YouTube nga Ali “SypherPK” Hassan, shumë lojtarë kanë filluar ta përdorin sërish këtë exploit. Me shumë mundësi ai do të hiqet sërish së shpejti, por përdoreni për sa kohë keni mundësi.