Fluturoni dhe luftoni me miqtë tuaj
Fluturoni dhe luftoni me miqtë tuaj
Expansion-i Empyrean në Warframe morri një trailer të ri në The Game Awards dhe gjithashtu i dha një surprizë të mirë lojtarëve në PC, pasi ata tashmë kanë mundësi ta luajnë këtë expansion.
Në Empyrean, ju mund të personalizoni dhe pilotoni anijen tuaj luftarake Sigma Series Railjack në një co-op me katër lojtarë. Expansion-i ambicioz Empyrean u zbulua fillimisht në Tennoncon gjatë vitit të kaluar.
Ju mund ta luani Empyrean solo, por ai është dizenjuar për t’u luajtur me një ekip të plotë me katër lojtarë, edhe pse gjatë 2020 do të vijnë update që e përshtasin expansion-in për lojtarët solo. Ka gjithashtu dhe një free flight mode që ju lejon të praktikoni pilotimin e Railjack pa u futur në betejë. Më poshtë mund të shikoni trailer-in:
The Game Awards është një traditë e përvitshme vjetore tashmë nga ana e Geoff Keighley. Çdo vit shikuesit, zhvilluesit dhe kushdo që ka lidhje me gaming mblidhen për të celebruar lojërat më të mira të vitit. The Game Awards është gjithashtu vendi ideal për njoftime të reja. Klikoni linkun këtu për të parë listën e plotë të fituesve.