Filmi i regjizorit kosovar, Visar Morina, e gjen veten të nominuar në Golden Globes.
Filmi i regjizorit kosovar, Visar Morina, e gjen veten të nominuar në Golden Globes.
Për herë të parë në historinë e filmit, Kosova do të jetë pjesë e çmimeve Golden Globes me një film nga regjizori Visar Morina. Filmi quhet Exile dhe do të konkurojë nga kategorinë e filmave të huaj, në edicionin e 78 të Golden Globes.
Filmi trajton historinë e një emigranti kosovar të quajtur Xhaver. Ai jeton në Gjermani dhe beson se është një viktimë e ksenofobisë, sado që e gjitha kjo mund të jetë edhe paranoja e tij e dalë nga kontrolli. Kur Xhaver gjen një mi të ngordhur të varur në hyrjen e portës së tij, ai menjëherë dyshon se kolegët e tij rracistë, mund të jenë pas kësaj. Çdo ndodhi, çdo fjalë dhe çdo gjest merret si provë për këtë. Tensioni i Xhafer rritet dita ditës. Ndërkohë gruaja e tij gjermane e quajtur Nora, është e lodhur me këtë lloj sjelljeje viktimizuese në sytë e saj, të Xhaver.
Exile është një thriller për paranojën dhe identitetin, që njëheresh është e errët edhe sureale. Roli i Xhafer luhet nga Mišel Matičević, që ka lindur në Berlinin perëndimor me prindër kroatë. Aktori i njohur kosovar, Astrit Kabashi është gjithashtu pjesë e kastit.
Regjizori i filmit, Visar Morina, ka lindur në Kosovë dhe ka shkuar të jetojë në Gjermani kur ishte 15-vjeç. Ai e pranon se filmi është pjesërisht autobiografik: “Unë nuk e flisja gjuhën dhe u desh të luftoja për pozicionin tim. Ka patur detaje personale që kanë qenë të rëndësishme për mua gjatë procesit të së shkruarit. Por unë nuk kam fëmijë, nuk jam i martuar dhe nuk punoj në një zyrë. Kur takoj një idiot, nuk mendoj se ai është një idiot sepse jam unë i huaj, por sepse i gjori është vërtetë idiot.”
Kjo padyshim që është një arritje shumë e madhe për Kosovën dhe tematika që filmi trajton është mëse e prekshme për një pjesë të mirë të atyre që hasin një kompleks inferioriteti, në idenë e të qenurit një emigrant. Mund të shikoni trailerin e filmit më poshtë: