Teksa ka vazhduar punën e tij me Sea of Thieves, Rare ka qenë njëkohësisht duke zhvilluar edhe një lojë të re të quajtur Everwild. Çfarë është Everwild? Nga traileri mund të themi se është një kolonë zanore me shumë pasthirrma paqësore në sfond, një bandë aventurierësh dhe disa kafshë të lezetshme të ngjashme me ato të No Man’s Sky.
Përveç kësaj nuk është se u dha më shumë informacion për lojën. Le të themi që shumë gjëra janë të hapura për interpretim. Traileri është vizualisht i këndshëm. Një botë me pyje dhe disa kafshë cute rreth e qark. Është diçka që ta ngre kuriozitetin, por prapë ka diçka që nuk e tërheq audiencën tipike ndoshta.
Ndoshta Rare do të japë më shumë informacion për të së shpejti. Deri atëherë shikoni trailerin më poshtë.