Eventi The End në Fortnite bëri crash Twitch

Në Mixer mendohet të ketë ndodhur e njejta gjë.

Teksa miliona njerëz tentuan të shikonin eventin The End, për mbylljen e Season 10 në Fortnite, Twitch bëri crash.

Mbi një milion fansa hynë nëpër kanalet e tyre të preferuara për ta parë nga afër se çfarë do të ndodhte, ose të paktën tentuan të hynin. vetëm pak minuta pasi eventi në fjalë filloi, Twitch filloi të bënte crash dhe përdoruesit mbetën me një ekran të zi, që në fakt ju përshtat mjaft mirë rezultateve finale të eventit.

Të paktën chat-i operonte mirë për shumicën e përdoruesve, ndaj shikuesit mund të paktën të argëtoheshin me njëri-tjetrin. Sado që disa përdorues patën mundësi të shikonin se ç’ndodhi, jo të gjithë ndanë të njejtin fat.

Turner ‘Tfue‘ Tenney, momentalisht streamer-i më i madh i momentit në Twitch, kishte mbledhur rreth 300,000 shikues kur u bë eventi. Gjithsesi nuk dihet se sa prej tyre mund të shihnin gjë ose jo.

Nëse po pyesnit veten, raportohet se edhe platforma rivale e streaming, tashmë e njohur si shtëpia e re e Ninja, Mixer, pati të njejtin problem. Në klimaksin e tij eventi arriti 6 milionë shikues përgjatë Twitch dhe YouTube, ku të paktën ky i fundit nuk pati probleme madhore teknike.

Eventi i la lojtarët në pikëpyetje gjithsesi, pasi nuk patën asgjë përveçse një vrime të zezë për të parë më vonë. As Epic Games nuk ka thënë se çfarë duhet të presin lojtarët në të ardhmen, por nëse leak-u në App Store-in italian është i saktë, atëherë fansat duhet të përgatiten për Fortnite Chapter 2.

Mund të presim një hartë të re dhe me shumë gjasa një rimodelim masiv të mekanikave bazë të lojës dhe sistemeve të gameplay-it, por për momentin, literalisht çdo gjë ndodhet në errësirë.