Ky do të jetë Pokemon Go Fest më i madh deri më sot
Ky do të jetë Pokemon Go Fest më i madh deri më sot
Eventi vjetor i Niantic, Pokemon Go Fest, rikthehet për një tjetër vit, e këtë rradhë nuk do të zhvillohet vetëm në Chicago. Si pjesë e Summer Tour 2019, Niantic njoftoi se do të zhvillojë disa Pokemon Go Fest përmes Amerikës së Veriut, Europës dhe Azisë, duke e sjellë këtë event në kontinente të tjera për herë të parë.
Ndalesa e parë e Summer Tour 2019 për Niantic është Grant Park në Chicago, ku dhe janë zhvilluar 2 Pokemon Go Fest-et e mëparshëm. Këtë vit, eventi do të zgjasë dy ditë më tepër, nga 13-16 qershor. Do t’ju duhet të bleni një biletë për të qënë pjesë e tij, gjë që mund t’a bëni drejtpërsëdrejti nëpërmjet lojës.
Më pas, Pokemon Go Fest do të zhvendoset në Dortmund, Gjermani. Ai do të zgjasë nga 4-7 korrik dhe do të zhvillohet në Westfalenpark. Informacion të mëtejshëm mund të gjeni në faqen e internetit të Pokemon Go Fest Europe. Për t’a mbyllur këtë Summer Tour, do të ketë dhe një Pokemon Go Fest në Azi, për të cilin Niantic do të japë më shumë detaje më vonë.
Si në vitet e mëparshme, edhe nëse nuk keni mundësi të merrni pjesë në Pokemon Go Fest vetë, do të keni mundësi të jeni pjesë e sfidave globale në lojë gjatë eventeve dhe do të merrni shpërblime speciale. Niantic gjithashtu do të vazhdojë të zhvillojë çdo muaj Community Days në qershor, korrik dhe gusht, duke i bërë lojtarët të kenë se ç’të presin në vazhdimësi.