Çfarë dimë për eventin ‘Jerky’ të Fortnite?

Eventi i ri i Chapter 2 në Fortnite është bërë leak përpara kohe, siç e ka zakonisht tradita, dhe emri i tij provizor mund të jetë më i çuditshmi nga të gjithë: Jerky.

Epic Games nuk duhet të ketë qenë shumë i lumtur me hashtagun #RipFortntie që po bënte trend në të gjithë botën në datë 12 prill, me lojtarët që po ankoheshin se loja është bërë e mërzitshme së fundmi.

Pas update 12.40 dataminers ju futën punës dhe Lucas7yoshi mund të ketë gjetur diçka interesante.

Kur do të fillojë eventi Jerky në Fortnite?

Eventi i ardhshëm i lojës ende nuk është konfirmuar nga Epic Games, duke lënë vend për mundësi të pafundme mbi fillimin ekzakt të tij.

Së fundmi Epic ka punuar në disa crossovers të tjerë me Marvel, që ka sjellë në lojë një yacht me tematikën e Deadpool, skinin e personazhit dhe sipas leak-ut më të fundit, skine të tjera të X-Men pritet të vijnë së shpejti.

Leaks për eventin:

Si gjithmonë me gjërat që bëhen leak, nuk është mirë që të merren menjëherë për të mirëqena, sado që Lucas7yoshi ka qenë një nga burimet më të besueshme kur vjen puna për Fortnite.

Ai postoi se një event i quajtur Jerky është në punë e sipër. Ai shtoi edhe një përshkrim që thoshte: “Nuk ka pikë përpara eventit. Kënaquni përpara se ai të fillojë.”

Çfarë mund të përmbajë eventi?

Me filet e eventeve të mëparëshme që gjithashtu ju është ndërruar emri në “Jerky“, gjasat që ky të jetë emri i vërtetë i eventit janë të vogla. Prapëseprapë lind pyetja se çfarë do të sjellë ky i fundit.

Nëse do të ngremë disa teori mund të përmendim se Fortnite ka hedhur disa të dhëna drejt një eventi të tipit Doomsday, me shumë të dhëna që janë gjetur nëpër hartë.

Përtej saj ka ekziston edhe mundësia që ky mund të jetë eventi i Travis Scott, ose më saktë koncerti i tij, që lojtarët kanë kohë që mezi e presin të vijë. Para pak javësh u bënë leak disa imazhe për skinin e Travis Scott, duke nxitur thashetheme se mund të përsëritet i njejti rast si me Marshmello.

Sado që këto të dyja janë dy sugjerimet më të dukshme për eventin Jerky, askush nuk e di se çfarë Epic është duke rezervuar për lojtarët e Fortnite. Derisa këto plane të bëhen publike, fansat duhet të presin edhe pak.