Eventi i Halloween në Borderlands 3 filloi së fundmi

Një seri lojërash që e ka mbështetur cosplay kaq shumë sa Borderlands, nuk mund thjesht t’i bëjë skip Halloween. Për këtë arsye Borderlands 3 Bloody Harvest është rikthyer këtë vit për t’i ofruar vault hunters mundësinë të marrin ca spooky rewards.

Maurice, hardhuca gjysmë miqësore që jeton në Sanctuary III, do ju japë një mision të ri nëse flisni me të gjatë eventit të Bloody Harvest. Puna juaj është të mblidhni ‘hactoplasm’ nga fantazmat që do të shfaqen kur të mposhti kundërshtarët tuaj. Ju do të mund ti dalloni ato nga vezullimi jeshil që kanë rreth e qark tyre.

Në momentin që keni mbledhur mjaftueshëm hacktoplasm, drejtohuni prapë te Maurice, i cili do të hapë një portal që do ju drejtojë direkt te Heck, vendi ku do të vini poshtë Captain Haunt. Gjatë kohës që jeni aty, do të mund të merrni loot. Shumica e armëve që do të gjeni do kenë efektin Terror pas tyre. Shikoni trailerin më poshtë:

Praktikisht nëse e keni luajtur Bloody Harvest vitin e shkuar, do të dini se çfarë mund të prisni këtë vit. Vrisni armiq, shkoni te Maurice, kaloni te harta e Captain Haunt, fitoni para dhe çmime. Mbledhja e hecktoplasm ndodh natyrshëm teksa luani pjesën e mbetur të lojës, ndaj nuk duhet të shqetësoheni për të bërë pause aktivitete të tjera teksa punoni me të.