Euro 2020 do të vijë më vonë megjithatë
Euro 2020 do të vijë më vonë megjithatë
Siç dihet, Konami synonte të sillte Euro 2020 në PES 2020 në 20 prill (sot). Megjithatë, për shkak të pandemisë momentale, këto plane ndryshuan, ashtu si dhe planet për turneun aktual, me kompaninë që e shtyu atë. Mbyllja e studios japoneze të kompanisë ishte faktori më i rëndësishëm në këtë vendim, si dhe në vendimin për të shtyrë planet në lidhje me versionin fizik të PES 2020 që do të përfshinte update-tin përkatës me të cilin do të dekoronte kopertinën e lojës.
Sidoqoftë, Konami insiston që DLC të dalë në treg diku në të ardhmen, si dhe që turneu i Euro 2020 eSports do të zhvillohet në 23-24 maj, siç është caktuar, por dixhitalisht. Kompania ka deklaruar që ata që e kanë blerë lojën do të jenë në gjendje ta shkarkojnë përditësimin falas kur të lëshohet si data pack.