Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Lançimi i Eternals gjithashtu do të shtyhet
Riot Games ka deklaruar se do të vonojë lançimin e Eternals, një veçori kozmetike e lojës e cila i lejon lojtarët të shfaqin arritjet e tyre në League of Legends.
Eternals masin arritjet e ndryshme të lojtarëve në çdo kampion të lojës. Sete të ndryshme të Eternals mund të blehen në ndarjen e veçantë për ta në dyqanin e lojës me RP.
Vendimi për të krijuar Eternals erdhi pas kërkesave të shumta për krijimin e arritjeve të ndryshme në bazë të kampionëve që luhen. Riot dëshironte t’iu jepte lojtarëve një mënyrë për të shfaqur suksesin dhe punën e tyre drejt qëllimeve të reja duke i shpërblyer ata.
Megjithatë, tani Riot Games duket se e ka shtyrë lançimin e kësaj veçorie dhe ka bërë disa ndryshime pasi dëgjoi opinionin e lojtarëve të lojës.
Në një postim në blogun e tyre, zhvilluesit shkruajnë: “Pasi kaluam 2 javët e fundit duke lexuar mendimet dhe duke mbledhur përshtypjet e lojtarëve nga e gjithë bota, jemi gati për të bërë disa ndryshime tek Eternals. E dimë që na është dashur më shumë kohë sesa ju prisnit, por donim të ishim të sigurtë që të publikonim konkretisht çdo ndryshim që po bëjmë.“
We are making some changes to Eternals based on your feedback: https://t.co/ani8J2F9kG
— KenAdamsNSA (@KenAdamsNSA) August 23, 2019
“Po e shtyjmë lançimin e Eternals për të bërë disa ndryshime në varësi të mendimit tuaj” – shtuan ata.
Disa prej ndryshimeve të reja përfshijnë uljen e çmimit të seteve të Eternals, ndarja e seteve në unike dhe të zakonshme, krijimi i Eternals unike për çdo kampion dhe mundësia për të blerë sete të zakonshme me BE gjatë Essence Emporiums.
Riot thotë se setet e zakonshme do të përfshijnë vetëm Eternals më të përgjithshme si vrasjet, objektivat e shkatërruara dhe në sa vrasje keni marrë pjesë. Ato mund të blehen gjatë gjithë vitit për 225 RP dhe gjithashtu 2 herë në vit gjatë Essence Emporium për 3500 BE.
Ndërkohë, setet unike do të kenë brenda tyre Eternals specifike për çdo kampion, siç janë “Stop Hitting Yourself” për Sylas dhe “Party Crasher” për Shen. Ato mund të blehen gjatë gjithë vitit për 590 RP. Çdo set do të ketë brenda tij 3 Eternals unike për çdo kampion.
Nëse doni t’i provoni Eternals, mund ta bëni këtë gjë në PBE. Mbetet të presim nëse do të ketë ndryshime të tjera në të ardhmen.
