Këto ishin esports me shikueshmërinë më të lartë gjatë 2019

League of Legends dominon klasifikimet

Titujt më të mëdhenj të esports vazhduan të thyenin rekorde gjatë 2019, ndërkohë që patëm gjithashtu edhe disa prurje të reja. Megjithatë, të vjetrit mbetën ende në kryesim.

Sipas Esports Charts, League of Legends, CS:GO dhe Dota 2 ishin esports më të ndjekura gjatë 2019.

LoL a qënë vazhdimisht një prej emrave më të mëdhenj në esports dhe kjo gjë ndodhi edhe vitin e kaluar. Në të gjitha ligat, loja pati 478 milionë orë shikueshmëri. Worlds 2019 pati gjithashtu një rekord prej 4 milionë shikuesish në ndeshjen midis G2 Esports dhe T1.

CS:GO, esport-i i dytë më i ndjekur, pati 284 milionë orë të ndjekura, të ndara ndërmjet disa kompeticioneve në mbarë botën. IEM Katowice Major tërhoqi mbi 1.2 milionë shikues në ndeshjen midis Astralis dhe ENCE.

Dota 2 erdhi në vendin e tretë me 282 milionë orë. Kjo ndodhi për shkak të mungesës së turnamenteve të mëdha, si dhe një rënie e shikueshmërisë në Majors përveç The International. Në fakt, TI pati një numër maksimal më të lartë prej thuajse 2 milionë shikuesish në finalen midis OG dhe Team Liquid.

Më pas kemi një rënie të madhe nga vendi i tretë në të katërtin, me Overwatch që ka patur vetëm 81 milionë orë shikueshmëri, gjë e cila ka ardhur për shkak të një numri të vogël turnamentesh jashtë Overwatch League.

Duket se League of Legends do të vazhdojë të rritet në të gjithë botën, me esports në rajon që po rriten dhe patch-et e vazhdueshme.