Esports në mobile kanë fituar mbi $15 miliardë gjatë 2018

Industria në rritje po arrin me hapa të shpejtë gaming në PC dhe konsola

Kur pyet një lojtar për esports, mendja padyshim që fillimisht të shkon tek lojëra gjigande si League of Legends, Fortnite dhe Dota 2. Megjithatë, duke parë se industria e lojërave në mobile ka fituar mbi $15 miliardë gjatë vitit të kaluar, mbase tani duhet të mendohesh 2 herë përpara se të flasësh për esports.

Një raport nga Niko Partners shpjegon me shumë detaje evolucionin e esports në mobile në të gjithë botën. Raporti thotë se industria ka fituar $15.32 miliardë dollarë gjatë 2018, me mbi $5 miliardë prej tyre që kanë ardhur nga Kina.

Mbi 25% e fitimeve totale për lojërat mobile gjatë 2018 ka ardhur nga esports në mobile siç janë Arena of Valor dhe Clash Royale.

“Ky raport parashikon se esports në mobile do të jenë sektori me rritjen më të madhe në industrinë e esports.” – shkruan raporti. “Një bum i esports në mobile pritet të kthejë këto lojëra esports nga një industri më e vogël dhe më e përqëndruar në një treg gjigand.”

Duke parë se ka më shumë lojtarë në pajisje mobile sesa në PC dhe në konsola së bashku, ky parashikim duket se do të jetë i vërtetë. Vetëm në Kinë, sipas Niko Partners, numri i lojtarëve në mobile ja kalon atyre në PC në një raport 2 me 1.

MOBA popullore e Riot Games, League of Legends, është në krye të klasifikimeve të PC, me $1.9 miliardë fitime gjatë 2018. Kur e krahason këtë me versionin kinez të lojës në mobile, Arena of Valor, duket se LoL është shumë mbrapa.

Duke parë se esports në mobile po rritet me ritme kaq të mëdha, mbase nuk do ishte aq surprizuese që së shpejti të shikonim një tournament në Clash Royale të shiste më shumë bileta se një lojë e madhe në PC.