Beteja e madhe na pret!
Beteja e madhe na pret!
Episodi i ardhshëm i Game of Thrones do të jetë më i gjati ndonjëherë për serinë e mirëvlerësuar të HBO. Episodi i 3 i sezonit 8 do të zgjasë 82 minuta, 2 minuta më shumë se finalja e sezonit 7, “The Dragon and the Wolf” që ishtë mbajtësja paraardhëse e rekordit.
Episodi i ri, i cili enda nuk ka një titull, do të shfaqet ditën e nesërme, në orën 3 të mëngjesit në vendin tonë. Ai do të ndiqet dhe nga 3 episode të tjera, të cilët janë të gjithë deri në 4 minuta më të shkurtër sesa rekordi që do të vendoset nga episodi i 3. Episodi 4 është 78 minuta, episodi 5 është 80 minuta dhe finalja e të gjithë serialit, episodi 6 do të jetë gjithashtu 80 minuta. Gjatësia e episodeve u publikua nga HBO muajin e kaluar.
Duke parë mënyrën se si përfundoi episodi i kaluar dhe teaser-in e parë të episodit të tretë, ky episod i ri do të jetë ai që do të shfaqë betejën epike, shenjat për të cilën janë dhënë që në nisjen e serialit në 2011. Night King dhe ushtria e tijë do të përballen me Jon Snow, Dany dhe luftëtarë të tjerë në Winterfell, në atë çka mund të ndryshojë rrjedhën e gjithçkaje në serial. Episodi 3 ka si regjizor Miguel Sapochnik, i cili ka qenë gjithashtu regjizor i Battle of the Bastards. Raportohet se skena e Betejës së Winterfell në këtë episod do të jetë “skena më e gjatë e një beteje e shfaqur ndonjëherë në një film“. E gjatë 40 minuta, beteja e Helm’s Deep nga Lord of the Rings: Two Towers është ajo që mban deri më tani rekordin.
Bryan Cogman, producenti ekzekutiv, foli gjithashtu për betejën epike, duke e quajtur atë të pa parë ndonjëherë në botën e kinemasë. “Ne kemi bërë atë çka nuk është bërë kurrë më parë në një film. Kjo betejë e fundit midis Ushtrisë së të Vdekurve dhe të gjallëve nuk është parë kurrë më parë. Ka sekuenca brenda sekuencave brenda sekuencave të tjera. Skenaristët tanë shkruajtën një puzzle të vërtetë, të cilën Miguel arriti t’a sjellë në jetë. Ishte e lodhshme, por mendoj se do t’i habisi të gjithë“. Për betejën foli gjithashtu dhe aktori i Ser Jorah Mormont, Iain Glen, i cili tha se filmimet e betejës ishin “eksperienca më e keqe që ai kishte patur ndonjëherë në Game of Thrones“.
Filmimet e episodit zgjatën 11 javë, gjatë natës. Sipas raportit, rreth 750 njerëz punuan gjatë gjithë natës për thuajse 3 muaj në temperatura nën 0 duke duruar të ftohtin, erën, shiun e baltën.
A jeni të entuziazmuar për episodin e ardhshëm dhe këtë betejë epike? Ne padyshim që jemi!