Nëse menduat se Epic Games kishte mbyllur punë me lojërat ekskluzive, mendojeni përsëri. Javën e shkuar kompania na tha se më shumë lojëra ekskluzive të Epic Store do të vijnë në dy vitet e ardhshme.
Epic Games Store Spring Showcase do të jetë një event, që do të transmetohet në Twitch këtë të enjte në 11 shkurt në orën 8:00 PM. Ky i fundit do të na tregojë disa nga lojërat që do të lançohen ekskluzivisht në Epic Games Store këtë vit. Këtu përfshihen njoftime të reja, gameplay dhe informacione më të zgjeruara.
Eventi do të shoqërohet edhe me ulje në Epic Store, që përfshijnë 40% zbritje te Star Wars: Squadrons dhe Snowrunner, 20% ulje të Assassin’s Creed Valhalla dhe Hades dhe 10% ulje nga Cyberpunk 2077.
Nëse ju intereson ndonjë prej këtyre lojërave, mos e humbni mundësinë që t’i merrni.