Jemi sërish në atë pikë të javës ku Epic jep disa lojëra falas për PC dhe njofton se çfarë do të vijë falas javën e ardhshme. Këtë javë ju do të keni mundësinë të merrni Wilmot’s Warehouse dhe në datë 13 gusht, Epic do të sjellë falas Remnant: From the Ashes dhe një set të këndshëm aventurash të quajtur The Alto Collection.
Remnant: From the Ashes është një action RPG e Gunfire Games, e vendosur në një univers në të cilin Toka është pushtuar nga diçka e quajtur Root. Root është një tip manifestimi alien.
Që kur u lançua vitin e shkuar, Remnant ka prezantuar një survival mode të ri, një hardcore mode dhe një DLC story të quajtur The Swamps of Corsus. Pjesa e fundit e DLC do të dalë në PC në 20 gusht.
The Alto Collection pastaj është një PC port për dy lojëra të bukura mobile: Alto’s Adventure dhe Alto’s Odyssey. Në to, ju ose mund të bëni snowboard ose sandboard përmes 120 niveleve të ndryshme, ku secili ka tre kërkesa që duhet të plotësoni.
Ajo nuk është ende e disponueshme për PC, pasi do të dalë zyrtarisht për këtë platformë javën e ardhshme, kur të jetë falas edhe në Epic Games. Ndërkohë mund të vazhdoni të merrni Wilmot’s Warehouse.