Në një njoftim të postuar në datë 25 janar në website-in zyrtar të Fortnite, skuadra zhvilluese e lojën konfirmoi se data 20 shkurt do të sillte Season 2 në lojë, duke konfirmuar leak-un e bërë më para nga dataminer HYPEX.
Shumë lojtarë prisnin që sezoni i tanishëm të mbyllej në fillimin e shkurtit, me disa sugjerime si data 4 shkurt të bëra nga lojtarë. Gjithsesi, falë zhvilluesve dimë më në fund një datë ekzakte dhe edhe fansat e Fortnite e kanë mendjen e fjetur që do të duhen edhe disa javë që të vijë update-i dhe sezoni i ri.
Një lajm tjetër që zhvilluesit sollën për lojën ishte një engine i ri për lojën. Sipas Epic prioriteti i tyre kryesor në këto momente është që në lançimin e update-it të ri, loja të ndjehet ende si Fortnite i vjetër. Do të ketë disa pengesa rrugës, por tashmë kanë filluar testimet me një grup të vegjël lojtarësh.
Sado që Epic Games ende nuk e ka njoftuar zyrtarisht se çfarë do të vijë në update-in e ardhshëm, komuniteti i lojës në Trello qëndron vazhdimisht i update-uar me lojën dhe tashmë dimë disa prej gjërave që mund të presim në sezonin e ri të Fortnite.
Ziplines do të rikthehen pas një çaktivizimi të përkohshëm që patën, kur lojtarët zbuluan një numër të madh exploit-esh, që përfshinin metodën e transportimit. Nga ana tjetër glitchet me ndërtesat gjithashtu janë në rregullim e sipër, ndërkohë që zhvilluesit gjithashtu do të adresojnë një problem me misionin Rippley vs Overtime.
Fansat janë tashmë në pritje të update 11.50 dhe po shpresojnë se në dallim nga update-et e fundit të lojës, ky i fundit do të ketë patch notes. Nëse do të ketë teasers ose ndryshime të hartës rrugës pranë ardhjes së Season 2, do sigurohemi që t’ju mbajmë të informuar.