Epic ka ngritur prapë padi kundër Apple, këtë rradhë në Australi

Si duket aty nuk lejohen monopolet.

Fortnite mund të rikthehet në iPhone, iPads dhe dhe paisjet e tjera të Apple në 2020n, fiks në kohë për Season 5. Epic ka sjellë një padi të re kundër Apple në Australi, me shpresën se loja mund të futet sërish në App Store të Apple, përpara Krishtlindjeve.

Kjo vjen si një farë tentative e vonë për të parë Fortnite të rikthehet në Apple App Store në Season 5, që do të lançohet në datë 4 dhjetor, bashkë me atmosferën festive të Krishtlindjeve dhe Vitit të Ri, që do e shoqërojë lojën.

Epic filloi padinë Australiane kundër Apple në 18 nëntor. Zhvilluesi i Fortnite sugjeron se “Politikat e Apple në App Store janë një shpërdorim i fuqisë së tregut,” dhe kështu rrjedhimisht po thyen Australian Consumer Law.

“Kjo është shumë më e madhe se thjesht Epic kundër Apple- kjo futet në thelbin e dilemës, nëse konsumatorët dhe krijuesit mund të bëjnë biznes së bashku në platformat mobile ose nëse janë të detyruar të përdorin opsione monopol kundër dëshirave dhe interesave të tyre.”

Australian Consumer Law thotë se korporatat që kanë fuqi relativisht të madhe në treg “nuk duhet të shkojnë drejt monopolit, duke lënë vend për konkurencë.” Gjithashtu thotë se kompanitë nuk duhet të drejtohen drejt ekskluzivitetit, për të shmangur kështu prezencën e monopoleve në treg.

Epic në këtë rast po i hedh gishtin Apple, si një monopol. Një strategji që realisht mund të funksionojë në ligjet australiane.

Me më pak se dy javë të mbetura nga Fortnite Season 5, ka shumë pak gjasa që Epic dhe Apple do të mund ta zgjidhin këtë përpara fillimit të sezonit të ri. Gjithsesi rikthimi i lojës në mes të sezonit të ri ende qëndron si opsion, ndaj me pak fat ku i duhet.