Fortnite ka njoftuar eventin FreeFortnite Cup, i cili do të mbahet në datë 23 gusht. Sipas Epic Games, ky event do të jetë hera e fundit që lojtarët e Fortnite përgjatë të gjitha platformave do të kenë mundësinë të luajnë kundër njëri-tjetrit.
Eventi do të ketë disa çmime brenda lojës dhe jashtë saj. Këto përfshijnë “Tart Tycoon” skin, kapele fizike me hashtagun FreeFortnite dhe telefona dhe konsola videolojërash nga kompani që nuk janë Apple dhe Google sigurisht.
All of your friends. Fabulous prizes. And one bad apple. We’re droppin the #FreeFortnite Cup on August 23.
— Fortnite (@FortniteGame) August 21, 2020
Check out our blog for full info: https://t.co/BFpiMQoWID
Javën e shkuar Fortnite u hoq nga App Store dhe Play Store, pas një update-i që shkelte rregullat e vendosura nga Apple dhe Google. Epic Games reagoi duke ngritur padi kundra të dyja kompanive dhe që nga ajo pikë gjërat kanë marrë tatëpjetën.
Në këtë pikë është e pamundur të parashikosh se ku mund të shkojnë gjërat. Epic qartazi e kishte planfikuar me kohë këtë lëvizje kundër Apple dhe Google. Të paktën lojtarët e Fortnite do të kenë një mundësi për të luajtur të gjithë së bashku, për herë të fundit. E gjitha kjo është shumë dramatike nëse më pyesni mua.
FreeFortnite Cup do të zgjasë katër orë. Lojtarët do të marrin nga një pikë për çdo tre minuta që shpenzojnë në ishull, një pikë për çdo eleminim dhe 10 pikë për çdo Vitory Royale. 10 pikë do i japin çdo lojtari Tart Tycoon skin dhe 20,000 lojtarët me pikët më të larta do të marrin kapelen që lexon FreeFortnite. 1200 lojtarët e parë do të marrin një paisje për gaming si: konsolë, Alienware Gaming Laptop, Samsung Galaxy Tab S7 ose një OnePlus 8.