Pavarësisht faktit që u shfaqën në trailerin e lançimit për Fortnite Season 3, pritet ende që automjetet e reja të vijnë në Fortnite. Tashmë duket se pritja fillestare do të jetë edhe më e gjatë.
E dimë se do të ketë të paktën gjashtë prurje të reja, duke variuar nga makinat e vogla te kamionat. Ato gjithashtu do të vijnë me mekanikat e tyre të caktuara. Statistika të reja u zbuluan në update-in e fundit, që tregojnë se sa të fuqishme mund të jenë.
I gjithë ky informacion na bëri të mendojmë se do të kishte një lançim të menjëhershëm të tyre, por Epic zbuloi se automjetet nuk do të vijnë ende në battle royale. Lexoni mesazhin e tij më poshtë:
Zbulimi i Fortnite Season 3 tregoi një pjesë të këtyre automjeteve në aksion. Duke marrë parasysh se kemi avancuar goxha në këtë sezon, të gjithë po prisnin që automjetet të vinin për çështje ditësh.
Nuk dihet edhe sa ekzaktësisht mund të vonohen këto të fundit. Sipas Epic ato nuk janë ende gati për të ardhur në lojë, por a do të thotë kjo që mund të vonohen deri në Season 4?
Sezoni i tretë pritet të mbyllet në 27 gusht, por ky artikull është provë që Epic njihet për vonesa, ndaj do të thoshim më mirë diçka fillim shtatori për mbarimin e tij. Gjithsesi në tweet Epic thotë se do të duhet të presim vetëm “disa javë”, që me një llogari të thjeshtë i bie brenda muajit gusht. Mbetet të shohim.