Një javë e re, një tjetër lojë falas për PC nga Epic Store. Javën e shkuar mund të merrnit RollerCoaster Tycoon 3: Complete Edition. Sado që zgjedhja e kësaj jave nuk është edhe aq nostalgjike, ajo prapëseprapë është një lojë e shkëlqyer.
Pikuniku është një puzzle platformer ku ju luani si një njeri në formë rrethore, me synimin për të shpëtuar botën nga një konspiracion i thellë distopian i shtetit. Është një aventurë që do ju mbajë të zënë për disa orë, gjë që e bën edhe më perfekte për ta marrë falas. Është përgjithësisht gallatë, që zakonisht vështirë ta gjesh në videolojëra dhe ka një soundtrack fiksues për ta ndihmuar edhe më tej.
Mund të shkoni tani në faqen e Epic për të marrë Pikuniku. Ajo do të jetë e disponueshme deri në datë 8 tetor në 8:00 PDT / 11:00 EDT / 16:00 BST, ku më pas do të zëvendësohet nga Abzu dhe Rising Storm 2: Vietnam. Si gjithmonë, loja nuk do ju kushtojë asgjë, pasi është falas.
Shikoni trailerin e Pikuniku më poshtë: