Epic Games Store është duke u mbështetur në dy ide kryesore për të tërhequr lojtarët: lojëra falas në PC çdo javë dhe lançime të reja ekskluzive. Ishte e gjitha vetëm një çështje kohe përpara se këto të ndodhnin njëheresh. Totally Reliable Delivery Service është një sandbox që u lançua sot me pagesë në konsola, por që është plotësisht falas në PC.
Mund ta merrni Totally Reliable Delivery Service falas në Epic Store deri në datë 8 prill. Ajo kushton $14.99 USD në konsola, ndaj oferta për në PC është mëse e dukshme. Si me lojërat e tjera falas në Epic, ajo do të mbetet në account-in tuaj përgjithmonë pasi ta keni marrë.
Totally Reliable Delivery Service mund të jetë fiks loja që ju duhet teksa keni ngecur në shtëpi. Loja ofron local dhe online co-op për katër lojtarë dhe ju sfidon që të dërgoni gjëra anë e mbanë botës në mënyrën më të shpejtë të mundshme. Pak Death Stranding dhe pak Human: Fall Flat. Shikoni trailerin e saj më poshtë.