Epic kërkon ndjesë për Infinity Blade dhe e zhvendos nga loja

Epic do të heqë shpatën nga loja dhe do të rishikojë vendimin rreth Mythic items.

Që pasi u lançua ditën e martë Infinity Blade i Fortnite ka qenë e padëshiruar nga publiku. Lajmet e Epic ditën e djeshme për ti reduktuar fuqitë dhe për të sjellë sende të tjera të ngjashme në lojë shkaktuan edhe më shumë ankesa mes komunitetit të Fortnite. Gjithsesi sot studioja bëri njoftimin që të gjithë mezi po e prisnim.

“Bëmë një gabim me sjelljen e Infinity Blade. Ajo është shumë e fuqishme dhe e padrejtë për tu vendosur në lojë. Ne gjithashtu po rishikojmë vendimin tonë rreth përqasjes së sendeve Mythic.” U shpreh kompania në Reddit.

Kontradita të mëdha shpata i gjeti edhe mes lojtarëve profesionalë, pasi u lançua vetëm disa orë përpara finaleve të Winter Royale. Epic gjithashtu shtoi se detaje të reja do të zbulohen javën e ardhshme.

Jemi të kënaqur që Epic e kuptoi deri diku se rruga që po ndiqte nuk ishte e drejte, por për të qenë të sinqertë do të ishte shumë interesante të shikonim sendet e tjera që studioja kishte planifikuar origjinalisht.