Sot Epic solli një kafshë të re në item shop-in e lojës Fortnite të quajtur Gunner. Nëse e keni rastisur dhe ju është dukur i njohur, kjo është sepse ai është identik me Bonesy, qenin që erdhi si pjesë e battle pass-it të sezonit të 6 të lojës, kur u prezantuan për herë të parë edhe kafshët në lojë. Historikisht sendet e battle pass nuk kanë qenë kurrë të disponueshme për shitje më vonë, ndaj fansat nuk ishin shumë të kënaqur ta shikonin këtë reskin të vihej në shitje.
“Nuk duhet ta kishim nxjerrë në shitje Gunner per dhe kërkojmë ndjesë për të,” Është shprehur Epic në Reddit. “Në ditët ardhshme, të gjitha blerjet e Gunner do të rimbursohen për shumën e plotë të 1000 V-bucks si edhe një 200 V-Bucks shtesë nga ne. Gjithashtu kafsha do të hiqet nga Locker.” Nëse ju tashmë e keni bërë refund Gunner, do ju jepet një refund token shtesë së bashku me 200 V-bucks plus.
Në pamje të parë Gunner duket identik me Bonesy, por në këtë rast qeni ka veshur një ski mask të verdhë dhe ka një logo shtesë në bandanën e tij. Por siç e thamë, kjo nuk ishte e mjaftueshme për ti bindur lojtarët. Një përdorues i Reddit është shprehur:
“Wow, literalisht po shesin një item të ringjyrosur të një battle pass-i të vjetër për $10. Nuk është as një model i ri.”