Epic jep dy të dhëna për sezonin e dhjetë të Fortnite

Tani që Fortnite World Cup mbaroi, lojtarët kanë përpara sezonin e dhjetë të lojës së Epic, që do të fillojë në datë 1 gusht. Sezoni i 10 i Fortnite duket të ketë përpara disa gjëra shumë emocionuese. Do të sjellë me shumë gjasa një histori të re, ndryshime në hartë dhe një Battle Pass plot me gjëra të reja. Gjithsesi, duke u bazuar në teaser-at që Epic ka hedhur deri tani, duket se mund të na sjellë edhe pak grimca të së shkuarës.

Teaser-i i parë që është postuar në faqjen e Fortnite tregon logon e lojës në një X gjigand, që ndodhet mbi Dusty Depot, një vendndodhje nga ditët e hershme të lojës. Kjo e fundit u godit shumë rëndë nga meteori i sezonit të 4. Në postim shkruhet: “Think Back. 8.1.2019.”

Teaser-i i dytë pastaj, tregon një figurë robotike gjigande që është duke mbajtur një armë të rëndë në secilin prej krahëve. Në postim shkruhet: “Look Forward”.

Ishte pikërisht ky postim që solli një kthesë masive në teoritë e zhvilluara deri tani për sezonin e 10. Fansat e mprehtë arritën të dallonin se logoja në të majtë të imazhit është ekzaktësisht e njejta si ajo që ishte në krahun e The Visitor, një personazh që ishte shumë i rëndësishëm në sezonin e 4.

The Visitor mendohet të ketë ardhur në hartën e Fortnite duke “udhëtuar në kohë”, për të krijuar më vonë rifts në sezonin e 5, sepse kjo ishte mënyra e tij për tu kthyer në shtëpi. Gjithsesi postimi i mëposhtëm sugjeron se ai ka ende disa punë të pambaruara.

Thashethemet se çfarë nënkuptojnë këto gjëra për sezonin e dhjetë të Fortnite ende vazhdojnë. Teksa rruzulli në Loot Lake vazhdon të bëhet gjithmonë e më i paqëndrueshëm, ka patur sugjerime se harta mund të rrafshohet ose të katapultohet prapa në kohë. Gjithsesi imazhi i fundit sugjeron se në lojë do të vijnë edhe sende nga e ardhmja.

Për momentin jemi në pritje të më shumë të dhënave nga ana e Epic për sezonin e ri që do të vijë të enjten e datës 1 gusht.