Epic heq një skenë vetëvrasje nga The Block i Fortnite

Një krijim i errët i një fansi të Fortnite është zhvendosur nga loja, pasi lojtarët zbuluan se paraqiste një skenë vetëvrasjeje. Mysterious Mansion, që u paraqit përkohësisht në The Block, tashmë është hequr.

Kjo vendndodhje ishte bërë nga tre lojtarë. Një prej tyre, postoi një video të krijimit ku mund të shihej bodrumi i një shtëpie që brenda kishte një qeli burgu dhe në cep një personazh që varej në litar nga një karrike e rrëzuar përtokë.

Vetë personazhi nuk ia doli të përfshihej në lojë, por lojtarët sërish ishin në gjendje të shikonin litarin dhe karriken. E gjithë vendndosja e objekteve jepte idenë e një skene vetëvrasjeje. Krijuesit shpjeguan më vonë se nuk ishte ky efekti i menduar fillimisht dhe se shtëpia supozohej të tregonte pasojat e një tërmeti.

Gjithsesi loja shpejt u update-ua dhe e hoqi këtë krijim nga The Block, duke e zëvendësuar me Tropical Treetops. Epic u shpreh se kjo vendndodhje u hoq nga The Block sepse nuk përshtatej me rregullat e tyre që thonë se lojtarët duhet të: “jenë të sjellshëm kur krijojnë dhe editojnë.”

Krijuesit në fjalë thanë se e gjithë ideja e litarit dhe karrikes ishte një shaka, por realisht vetëvrasja është një temë që e prek shumë shoqërinë e sotme dhe kurrsesi nuk duhet të konsiderohet si e tillë.