Studioja ka theksuar të drejtën që çdo lojtar i Fortnite ka për të shprehur pikëpamjet e tij politike dhe të të drejtave njerëzore.
Studioja ka theksuar të drejtën që çdo lojtar i Fortnite ka për të shprehur pikëpamjet e tij politike dhe të të drejtave njerëzore.
Epic Games ka njoftuar se nuk do i bëjë ban lojtarëve dhe nuk do i kufizojë që të shprehin hapur mendimet e tyre për pikëpamjet politike ose të të drejtave të njeriut. Zhvilluesi bëri një deklaratë gjatë një interviste këtë javë, pas kontraditave që kanë ndodhur me Blizzard dhe lojtarin Blitzchung, pasi ai mbështeti protestën e Hong Kong në transmetim live.
Deklarata thotë se “Epic mbështet të drejtën e çdokujt për të shprehur pikëpamjet e tyre politike dhe të të drejtave njerëzore. Nuk do bënim ban dhe nuk do e ndëshkonim një lojtar të Fortnite nëse do të fliste për këto tematika.”
Në mënyrë të ngjashme edhe Tim Sweeney, CEO i Epic games, ka thënë në Twitter se: “Epic mbështet të drejtate lojtarëve dhe krijueseve të Fortnite, për të folur mbi çështjet politike dhe njerëzore.”
Për ta sqaruar një përdorues i Reddit e ka pyetur Sweeney që: “nëse një streamer si Turner ‘Tfue’ Tenney do të thoshte “Lironi Hong Kong” në transmetim live Epic nuk do të bënte gjë?” dhe ai është përgjigjur duke thënë: “Ekzaktësisht.”
Përtej kësaj një tjetër përdorues e ka pyetur që: “Nëse një situatë e ngjashme do të ndodhte, a do ti ndërpriste relatat me personin në fjalë”, duke theksuar edhe faktin që Tencent ka 40% të Epic Games. Sweeney i tha që: “Kjo gjë nuk do të ndodhë kurrë sa të jem unë CEO dhe aksioner i Epic.”
Blizzard ka marrë reagime shumë negative dhe praktikisht shkatërrim të opinionit publik që pas situatës me Blitzchung. Punonjësit e Blizzard kanë dalë në protestë dhe fansat kanë kërcënuar se do të bojkotojnë studion.