Epic Games mund të sjellë një shërbim me abonim në Fortnite

Këtu përfshihet battle pass-i, 1,000 V-Bucks dhe ca gjëra të tjera.

Epic Games mund të planifikojë të sjellë një shërbim të tipit subscription në Fortnite. Kjo sipas një studimi të fundit të bërë nga zhvilluesi. Ky shërbim do i mundësojë lojtarëve akses të plotë në battle pass dhe veçori të tjera, për një çmim të caktuar.

Ishin disa leakers të njohur të Fortnite që postuan screenshots nga një sondazh që kishte bërë Epic Games, zhvilluesi i lojës battle royale. Imazhi tregonte një “monthly crew pack” që do i japë lojtarëve që e kanë blerë shërbimin akses të hershëm të një veshjeje speciale si: back bling, pickaxe etj. Kjo sipas FireMonkey dhe MarDlt.

Shërbimi ofron akses të menjëhershëm dhe të plotë të battle pass-it për sezonin e ardhshëm, bashkë me 1,000 V-Bucks muaj për muaj.

Sondazhi i kërkonte pjesëmarrësve të vinin në dukje se cilin content do dallonin të parin nga një imazh i caktuar, dhe më pas mundësinë nga 1 në 10 për ta blerë këtë shërbim subscription.

Sondazhi gjithashtu i pyeti përdoruesit nëse do e blinin këtë shërbim për $5, $8 deri në $19.99.

Shërbimi është gjithashtu i ngjashëm me ‘annual pass’, një prototip i ngjashëm i bërë më parë, që Epic anulloi vitin e shkuar. Ky pass do i mundësonte lojtarëve battle pass-in përgjatë gjithë vitit bashkë me disa veçori të tjera.

Kompani si puna e Epic i përdorin sondazhe të tilla për të parë reagimin e mundshëm të publikut mbi veçori të ardhshme që mund të vijnë në lojë. Me pak fjalë, ka mundësi që një shërbim subscription të vijë së shpejti në Fortnite, gjithmonë nëse rezultatet e këtij studimi kanë dalë optimale.