Epic Games, studioja pas Fortnite dhe Unreal Engine ka marrë nën pronësinë e saj Cubic Motion, një studio e specializuar në teknologjinë e animimeve të shprehisë së fytyrës.
Cubic Motion ka krijuar mënyra që i lejojnë zhvilluesit e videolojërave dhe të filmave, të krijojnë animime më realistike të fytyrave. Ky startup gjithashtu ka zhvilluar sistemin Persona, që përkthen performancën e një personi në një alternativë tjetër dixhitale në kohë reale.
Disa nga videolojërat që kanë përdorur Cubic Motion përfshijnë God of War të Sony Interactive Entertainment dhe Spider-Man të Insomniac Games. Ndërkohë lojërat që operojnë me Unreal Engine pastaj përfshinë Fortnite, The Outer Worlds, Gears 5 dhe Final Fantasy VII Remake.
Me Epic Games, Cubic Motion do të punojë me 3Lateral, që ju bashkua skuadrës së Unreal Engine në janar të 2019s. Cubic Motion dhe 3Lateral kanë punuar më parë së bashku në teknologjinë e animimit të shprehive të fytyrës.
Të gjithë punonjësit e Cubic Motion do të kalojnë te Epic Games pas kësaj blerjeje, e cila është e shtata për Epic që nga fillimi i vitit 2019. Unity Technologies, kompania konkurente e Unreal Engine, gjithashtu ka blerë shtatë kompani brenda të njejtës periudhe kohore. Duket se rivalët po qëndrojnë kokë më kokë me njëri-tjetrin.