Midis tani dhe 21 majit, marrja e lojërave falas në Epic Games Store do të kërkojë 2FA. Sipas Epic, kërkesa është krijuar për të inkurajuar përdoruesit që ta aktivizojnë atë vullnetarisht.
“Ne jemi duke e bërë këtë ndryshim në një përpjekje për të inkurajuar lojtarët tanë të ndërmarrin hapa për të forcuar sigurinë e llogarisë së tyre Epic”, thuhet në update. Një njoftim do të shfaqet sa herë që një përdorues klikon butonin “get”, nëse ata tashmë nuk e kanë aktivizuar sigurinë.
“Ne e kuptojmë se ky është një shqetësim i vogël për disa, por ne duam të ofrojmë zgjidhjet më të mira të mundshme për të mbrojtur llogarinë tuaj Epic,” vazhdon deklarata.
For the King është aktualisht falas në Epic Games Store, me Amnesia: The Dark Descent dhe Crashlands që do të vihen në dispozicion nga sot.