Dyqani është update-uar me reviews dhe të tjera veçori të reja
Dyqani është update-uar me reviews dhe të tjera veçori të reja
Epic Games ka sjellë një update për dyqanin e tyre dixhital, që i jep mundësi përdoruesëve të shohin lojërat më popullore, të kërkojnë sipas zhanrit dhe veçorive të tyre, të shohin se cilat janë në ulje, cilat janë bërë update kohët e fundit dhe më shumë. Epic Games gjithashtu na dha mundësinë të shihnim se çfarë pritet të vijë në të ardhmen, përfshirë këtu një wishlist, përmirësime për library si dhe reviews nga kritikët.
Bashkëpunimi me Open Critic është mjaft interesant, pasi Epic ka qënë shumë i kujdesshëm me review-t në dyqanin e tyre. CEO i Epic Tim Sweeney ka thënë se Epic po punonte për një sistem i cili i lejonte zhvilluesit të mos kishin review për të qëndruar larg problemeve me review bombing. Megjithatë, Open Critic i jep mundësinë lojtarëve të shohin review-t nga profesionistës, por nuk i jep mundësinë lojtarëve të shprehin pakënaqësitë e tyre për lojën.
Një wishlist në Epic Store është ide e mirë, edhe pse me shumë mundësi aty do të vendosim lojëra të cilat na duken të bukura dhe të cilat më pas do i harrojmë sepse do të shohim lojëra të tjera që na duken edhe më të bukura. Për sa i përket pamjes së library, Epic thotë vetëm se ka update-uar pamjen që grid view të përshtatet më mirë me prezantimin e lojërave në dyqan, ndërkohë që ka bërë ndryshime të vogla dhe në list view.
Epic gjithashtu ka bërë dhe disa ndryshime të tjera jo të dukshme në dyqan, në mënyrë që të përballojë më mirë trafikun e lartë, ka shtuar suportin për gjuhën tailandeze, si dhe ka filluar implimentimin e 3D Secure për t’iu përshtatur rregullave të Bashkimit Europian.