Kjo është çfarë Epic Games Store ka arritur gjatë vitit 2020
Kjo është çfarë Epic Games Store ka arritur gjatë vitit 2020
Epic Games Store pati një rritje tepër të madhe gjatë vitit 2020 duke pothuajse dyfishuar numrin e përdoruesve falë pandemisë së shkaktuar nga COVID-19. Ketë gjë e bëri nëpërmjet një njoftimi duke shfaqte performancën e platformës gjatë 2020 e cila ishte tepër interesante.
Në ketë njoftim, Epic tregon se më shumë se 160 milion njerëz përdorin Epic Games Store në PC. Gjatë vitit 2019, Epic Games Store pati afërsisht 7 milion lojtarë në të njëjtën kohë dhe më pas 13 milion gjatë vitit 2020. Gjatë muajit dhjetor të vitit të kaluar, dyqani online pati 56 milion përdorues aktiv mujor duke pothuajse dyfishuar rekordin e vjetër prej 32 milion të dhjetorit të vitit 2019.
Gjithashtu Epic Games Store ka dhuruar mbi afërsisht 103 lojëra gjatë gjithë vitit 2020 dhe konfirmon se këto lojëra janë marrë afërsisht 750 milion herë. Por përveç personave të cilët merrnin lojëra falas ka patur edhe përdorues të cilat kanë shpenzuar para duke arritur një shumë prej më shumë se 700 milion dollarë amerikanë dhe ku 265 milion prej tyre do t’iu shkojnë lojërave third-party që ndodhen në dyqanin e Epic Games.
Katalogu i lojërave të Epic Games Store është zmadhuar gjithashtu duke arritur një total prej 471 lojërash. Në ketë dyqan gjithashtu u shtuan edhe shumë veçori të tjera si wishlist, Open Critic review, shërbim më i avancuar refund dhe më shumë suport për përdoruesit e platformës.