Epic Games qartëson ndryshimet në Fortnite Comptetitive për sezonin 9

Pump Shotgun është larguar përfundimisht drejt The Vault

Epic Games ka sqaruar ndryshimet që do të vijnë në anën kompetitive të Fortnite: Battle Royale gjatë sezonit 9. Këto ndryshime përfshijnë nxjerren nga The Vault të Drum Gun, kthimin e LTM-ve në tournament-e, problemet në lojërat Duo të tournament-eve si dhe zhvillime të tjera në lojë.

“Mund të prisni të shihni Drum Gun në tournament-et e kësaj fundjave. Në patch-in 9.00 kemi ndryshuar shpeshtësinë e shfaqjes së Drum Gun në lojë që të jetë më afër armëve të tjera të ngjashme.” shkruan Epic Games.

Kjo vjen për shkak të kritikave që loja morri nga komuniteti në subreddit-in e Fortnite. Arma është shumë popullore me lojtarët dhe u zgjodh që të rikthehej në lojë në eventin e së shtunës nga ta. Megjithatë, shumë prej tyre e konsideruan shpeshtësinë e armës në lojë shumë të lartë. Ky ndryshim duket se do e balancojë këtë fakt.

Ndërkohë, në javët para finales së Fortnite World Cup, Epic ka zbuluar se po eksperimenton me shtimin e eventeve të tjera jashtë Battle Royale. Kjo përfshin Creative dhe LTM-të e ndryshme në tournament-et javore. “Kjo do të krijojë një skenë kompetitive më dinamike që do të lejojë më shumë rrugë drejt fitoreve,“-shkruan Epic. “Ju inkurajojmë të futeni e të provoni disa mode të reja dhe t’ja kaloni mirë ndërsa ne punojmë çdo javë“

Epic gjithashtu ka marrë masa për të rregulluar problemet lidhur me lojtarët që nuk mund të futeshin në lojë kur luanin Duo në tournament-e. Që nga java e dytë e World Cup, lojtarët kanë raportuar këto probleme, gjë që i ka bërë ata të humbasin pikë të rëndëshishme. Gjithashtu, Epic ka adresuar në patch-in e sotëm ndryshime të mëdha që kanë ndodhur në lojë si heqjen e Pump Shotgun, rikthimin e disa sendeve të cilat kanë qenë më parë në lojë si dhe shtimin e Combat Shotgun.

“Duam që fillimi i çdo sezoni të jetë diçka e re dhe të lejojë një gameplay të ndryshëm nga ajo çfarë lojtarët kanë provuar më parë, së bashku me gjithë përmbajtjen që ai ofron. Në vend që të bëjmë sërish nerf Pump Shotgun në një pikë që ai nuk është aspak i ngjashëm me atë çfarë lojtarët duan, ne vendosëm t’a largojmë atë për t’a ribalancuar dhe të sjellim në lojë një shotgun të ri.“