Epic Games po ndryshon ‘matchmaking’ në Fortnite.
Epic Games po ndryshon ‘matchmaking’ në Fortnite.
Ndryshimet do të bëhen nga zhvilluesi i lojës popullore ‘Battle Royale‘, duke iu përgjigjur reagimeve të lojtarëve në lidhje me matchmaking’ e lojës. Në veçanti, aftësitë cross-platform që u ofrohen lojtarëve duke luajtur, për shembull, konsoli ose telefon celular i tyre kundër lojtarëve të PC-ve, kanë shkaktuar ankesa të forta mes komunitetit, pasi praktikisht pronarët e PC-ve kanë pasur një avantazh të qartë, i cili pritet të ndryshojë.
Përdorimi i një kontrolleri ose touch screen-i e bëri të vështirë që lojtarët të përballen me ata që preferojnë të luajnë Fortnite në kompjuterin e tyre. Në një post në Reddit, Menaxheri i Komunitetit të kompanisë u shpreh kështu për këtë fenomen: “Në të vërtetë, ne po punojmë në mekanizmat e matchmaking që do t’ju përshtasin me lojtarë të tjerë bazuar në llojin e platformës që përdorni. Për shembull, nëse përdorni një mouse dhe një tastierë, ju do të përballeni me të tjerë lojtarë që përdorin PC. “
Kjo ka bërë që disa përdorues të Reddit të pyesin nëse lojtarët e kompjuterëve do të kenë më shumë gjasa të përdorin një kontroller sesa tastierën e tyre. Megjithatë, ai nuk u përgjigj në pyetjen e mësipërme duke thënë: “Ne shpresojmë se do t’i përgjigjemi së shpejti me aksione konkrete pyetjeve tuaja të shpeshta në lidhje me këtë temë.”