Kjo padi vjen si pasojë e adresave që u bënë hack në Fortnite
Kjo padi vjen si pasojë e adresave që u bënë hack në Fortnite
Epic Games do të përballet me një padi si pasojë e problemit që kishte me nxjerrjen e informacioneve personale të miliona adresave të Fortnite.
Ky problem ndodhi që në janar, kur hacker-at gjetën një të metë në sistemin e login-it të Fortnite që i lejonte të personifikonin lojtarët, duke blerë V-Bucks me informacionin bankar të ekspozuar nga llogaritë e tyre.
Në skemën e mëposhtme mund ta kuptoni ekzaktësisht se çfarë hapash ndoqën për ta bërë këtë gjë.
Ky proces gjyqësor është ngritur nga Franklin D. Azar në emër të mbi 100 personave. Ata deklarojnë se Epic nuk mundi të mbante masa të duhura të sigurisë dhe mbi të gjitha nuk i njoftoi pëdoruesit për problemin në fjalë.
Firma ligjore thotë se Epic ishte në dijeni të këtij problemi që në nëntor të 2018s, por nuk e pranoi hapur deri dy muaj më vonë. Mendohet se hacker-at përgjegjës për këtë mund të jenë rreth 17 vjeç dhe mendohet të kenë bërë mjëra dollarë duke e shfrytëzuar këtë.
Momentalisht Epic Games ende nuk ka komentuar mbi këtë padi. Pas një turnamenti mëse të shkëlqyer të Fortnite World Cup, zhvilluesi nuk do të dojë që ky proces gjyqësor ti ndikojë negativisht në imazh.
Disa prej prindërve janë të shqetësuar se adresat e fëmijëve të tyre mund ende të jenë të rrezikuara nga ky ekspozim i informacioneve dhe nuk mund t’ju vihet faj. Incidenti që i ndodhi Bugha me policinë mund të ketë ardhur pikërisht nga ky problem.
Sidoqoftë në këtë pikë Epic ka shtuar opsionet e two-factor authentication për ti siguruar më mirë adresat e përdoruesve, por sipas padisë, kjo nuk është garanci që hackers nuk do të sulmojnë sërish.
Gjithçka që mund t’ju themi në këtë pikë është të tregoheni më të kujdesshëm me adresën tuaj të Fortnite dhe të mos i besoni shumë atyre links-ave që duken të dyshimta, fundja ishte pikërisht kjo mënyra se si ata arritën ta bëjnë.