Epic Games dhe kompania software PlayVS kanë zbuluar zyrtarisht serinë e parë të kompeticioneve zyrtare të Fortnite për gjimnazet dhe universitetet në US.
Kjo është hera e parë që Epic ka mbështetur esports për gjimnazet dhe është hera e parë që lojtarët e Fortnite nëpër kolegje do të shohin një format të caktuar me një kampionat nacional në fund të sezonit.
PlayVS është një kompani software që mundëson organizimin dhe infrastrukturën për esports nëpër shkolla në Amerikë. Kjo sipas website-it të kompanisë.
Play VS ka bashkëpunuar më parë me zhvilluesin e Rocket League, Psyonix, për të mbajtur të tilla kompeticione, por partershipi me Epic është hera e tyre e parë që operojnë edhe me nivelin e studentëve në universitete.
Seritë kompetitive në gjimnaze do të mbahen përgjatë gjashtë konferencave, nga një per secilën zonë kohore të Shteteve të Bashkuara. Për kolegjet pastaj, do të ketë një konferencë për të gjithë vendin. Në fund do të kurorëzohet një fitues nga të dyja, në një event për finalen e kampionatit.
Regjistrimet për gjimnazet do të fillojnë në 17 shkurt dhe për kolegjet në 24 shkurt. Të dy lojtarët e gjimnazeve dhe kolegjeve do të konkurojnë përgjatë një sezoni tetë javor, duke filluar secili respektivisht në 26 shkurt dhe 4 mars.
Çdo javë ata do të konkurojnë si duos në private lobbies kundër çifteve të tjera nga e njejta konferencë, në një periudhë kohore prej dy orësh, në një maksimum prej shtatë lojërave.
Në këto ndeshje, skuadrat do të marrin pikë çdo javë sipas formulës së mëposhtme të hartuar nga Epic Games dhe Play VS:
Është e qartë se Epic nuk po tregohet aspak i ndrojtur në përqasjen e tij ngaj Fortnite esports. Pas suksesit të World Cup të 2019s do të jetë interesante të shohim se si kompeticionet e reja me gjimnazet dhe kolegjet do të dalin.